Latifalar
— Siz buncha ahmoqlik qilishga qanday ulgurasiz?
— Men juda erta turaman.
Biror insonga 100 ming sovg‘a qilsang, sendan minnatdor bo‘ladi.
Lekin unga lotoreyada 1 million yutib olganingni aytgan zahoting, qovog‘i osilib qoladi...!
Tezyurar poyezd. Yo‘l kuzatuvchisi har bir kupega kirib iltifot bilan murojat qilyapti:
— Chet elliklar bormi ?
Barcha kupelarda "Yo‘q" deb javob berishibdi.
Kuzatuvchi yo‘lakka chiqib baqirdi:
— Teshavoy! Konditsionerni o‘chiraver! Hammasi o‘zimiznikilar ekan!
Bir kampirni shifoxonaga olib kelishibdi.
Shifokor kampirga:
— Sizni o‘tgan safar ham qo‘ziqorindan zaharlanishdan davolagan edim. Nima bo‘ldi? - desa, kampir:
— O‘sha qo‘ziqorinni qolganini yeb qo‘yibman, - dermish.
O‘qituvchi Abdullaga savol beryapti:
— Ayt-chi, bir xalta tilla va bir xalta aql turibdi. Qay birini olasan?
Abdulla:
— Albatta tillani, ustoz!
— Men aqlni tanlagan bo‘lardim.
— Kimga nima kamlik qilsa, shuni tanlaydi-da ustoz!
Ixcham, ozg‘in qizlarni yoqtiradigan yigitlar diqqatiga:
Ilonlarning semizi bo‘lmaydi!
Bir kuni afandi eshagi bilan ketayotsa, ikkita odam afandini ustidan kulmoqchi bo‘lib:
— Salom qani? - debdi.
Shunda afandi eshagiga qarab:
— O‘rtoqlaringga salom bermaysanmi? - degan ekan.
Ikki it uchrashib qolishibdi. Biri ikkinchisiga dermish:
— Xo‘jayinimni shu qadar qo‘lga o‘rgatib oldimki, so‘rashish uchun har gal panjamni ko‘tarsam, go‘sht beradigan bo‘ldi.
Gumondor shaxs va tergovchi suhbatidan. Tergovchi:
— Bizga faqatgina jinoyat sodir etgan odam o‘qituvchi ekani ma’lum. Aytganday soat nechi bo‘ldi ekan?
Gumondor:
— Hali tanaffuzga ancha bor...!
Praporshik kechki yo‘qlama o‘tkazmoqda.
— Ivanov?!
— Men!
— Petrov?!
— Men!
— Sidorov?!
— Men!
— Uch ming o‘ttiz?!
— ...
— Uch ming o‘ttiz?!
— E, necha marotaba aytish kerak, Zozo mening familiyam, Zozo!
Diqqat! Ushbu saytdagi barcha latifalar Latifa.Uz saytidan olingan.
© 2015-2017 "Latifa.Asia"
waplog