Latifalar
Bir yigit shifokor oldiga kelibdi. Shifokor:
— Xo'sh, shikoyatingiz?
— Hech nima...
— Biror joyingiz og'riyaptimi?
— Yo'q!
— Unda nima maqsadda keldingiz?
— Shunchaki o'zim...
— Tushunishimcha sog'lig'ingiz to'g'risida bilmoqchisiz?
— Yo'g'e-e-e! Ertalab televizorni qo'ysam, profilaktika deb yozilgan ekan, shunga aylanib kelgandim... latifani o`qish
Boshliq xonasiga kirgan ishchiga rahbar debdi:
— Sizni arizangizni ko'rib chiqdim. Maoshingizni oshirib bera olmayman!
Xodim asabiylashib:
— Oshirmasangiz-oshirmang! Faqat o'z vaqtida oylik berishni o'rganing! latifani o`qish
Yosh kelin ertalab oshxonaga chiqibdi-yu, aksira boshlabdi.
Birinchi aksirganida kulib:
— Bunisi Yanvar, - debdi.
Birozdan keyin ikkinchi martta aksirib:
— Endi bunisi Fevral, - debdi. Shunaqa qilib, Mart, Aprel, May, Iyun, Iyul, ...
Bir payt orqasiga o'girilib qarasa, qaynotasi o'tirgan ekan. Kelin:
— Voy, adajon ko'rmabman sizni. Anchadan beri o'tiribsiz? - desa,
qaynotasi:
— Yanvardan beri o'tiribman, - dermish.
latifani o`qish
Qari kampirni eri ko'chadan kelib:
— Yaxshi qiz, tanishsak bo'ladimi? - desa, kampir:
— Qimizni ko'paytirib yuboribsiz-ku chol! - dermish. latifani o`qish
Bir kuni o'zbek, ingliz va rus ketayotishsa, oldidan dev chiqib qolibdi. Rus va ingliz dag'-dag' qaltirab qolishibdi.
O'zbek esa:
— Ie, og'ayni qalaysan?! Yur, choyxona bor bugun, ketdik, - desa, dev ham og'zi ochilib, o'zbekka qo'shilib ketib qolgan ekan. latifani o`qish
Sevgan yigitim kofe bankasiga "Hammasi tugadi! Sizni tashlab ketdim", deb yozib qo'yibdi. Shoshib bankani ochsam, kofe to'la turibdi. Voy yaramas hazilkashey! latifani o`qish
Bir ayol jon berayotgan ekan. Eridan so'rabdi:
— Menga xiyonat qilganmisiz?
— Bu nima deganing?! Albatta yo'q! - debdi eri. Shunda xotini:
— To'g'risini aytavering, xiyonat qilganmisiz? Baribir umrim tugayapti, - desa, eri:
— Mabodo o'lmay qolsang-chi!? - dermish. latifani o`qish
Bugun dahshatli tush ko'ribman. Tushimda ishga kech qolayotgan ekanman...
Voy! (Uyg'onib ketib...) Ie, ishxonada ekanman-ku... Ko'rgan tushim qurib ketsin...! latifani o`qish
Bir ayol tiqilinchda hamyonini tushirib qo'yibdi. Birozdan keyin yoshgina bola ayolni hamyonini qaytarib beribdi. Ayol hamyonini ochib ko'rib bolaga:
— Meni hamyonimda ikkita besh mingtalik bor edi. Bu yerda o'nta ming so'mlik turibdi-ku?! - desa, bolakay:
— Bilasizmi, oldin ham bittasini hamyonini topib bergandim. U menga minnatdorchilik bildirish uchun mayda topa olmagandi. Shunga pullaringizni maydalab qo'ydim, - dermish. latifani o`qish
Bu olamda hech kim seni aeroportda taksichi kutganchalik, intizorlik bilan kutmaydi! latifani o`qish
Diqqat! Ushbu saytdagi barcha latifalar Latifa.Uz saytidan olingan.
waplog